John Rotluangliana tawiawmtu Zodintluanga, Adviser, MPCC chuan thu sawiin, "Tunah hian ZPM an sawrkar a, hun dang ang chu nise ZPM tling ngei tura ngaih a ni a, tunah chuan Congress leh MNF te inbei tura ngaih kan ni," a ti a. 

ZPM Candidate tur Vanlalsailova chu ZPM Headquarters in TV ah interview nei tawh lo turin order an chhuah hnan hmiah mai a ni, a ti bawk niin MPCC thuchhuah ah tarlan a ni.

Zodintluanga chuan, "Tunah hian ZPM sawrkar hian Ration buhfai man a letin a tito, John Rotluangliana khan Minister a nih lai khan sawrkar tan sum sen a nasat avangin tito tura nawrna a tawk thin a, mahse thingtlang mite dinhmun hria in a ngaihtuah em em a, chuvangin mipuite tawrhna thlen thei anih avangin a ti sang duh ta lo a ni. A minister lai khan petrol leh diesel man takngial pawh a tisang duh lo a ni." a ti. 

John Rotluangliana leh Congress party hruaitute hian Dampa biala khaw hrang hrang an fan chhunzawm ang.